الراكوبه الواسعه وفسيحه
+17
كاسر العيون
الهباني
@الأبيض الملكي@
الفرح المهاجر
سواح
رونق
العاقب مصباح
كابو
ساهورى
ود السنتر
اميرة
ود أزهري
الاشيتر
سمراء النيل
سما الجروح
* معتصم *
اسامه مزاد بحرى
21 مشترك
صفحة 4 من اصل 8
صفحة 4 من اصل 8 • 1, 2, 3, 4, 5, 6, 7, 8
الراكوبه الواسعه وفسيحه
تذكير بمساهمة فاتح الموضوع :
ركوبتنا السودانيه معروفه بونسته ولمة الناس فيها وقعدته المريحه وونسته العفويه وشراب القهوه ام بخور وزيره البارد نتمنى ان تسعنا جميعا وان نقضى فيها احلى واسعد لحظاتنا جميعا
ركوبتنا السودانيه معروفه بونسته ولمة الناس فيها وقعدته المريحه وونسته العفويه وشراب القهوه ام بخور وزيره البارد نتمنى ان تسعنا جميعا وان نقضى فيها احلى واسعد لحظاتنا جميعا
اسامه مزاد بحرى- المدير الادارى
- عدد المساهمات : 336
تاريخ التسجيل : 25/07/2009
الموقع : الدوحه قطر
رد: الراكوبه الواسعه وفسيحه
انتى ياسما شفتى ليك راجل سودانى كنس راكوبه يا جماعه البنت دى بتتكلم كيف وبعدين نحن فى الراكوبه دى ما عايزين شوكلاتك البتسجلى بيها الاعضاء فى الرابطه نحن عايزنك تعملى قهوه وشاى واميره عملت الزلابيه
اسامه مزاد بحرى- المدير الادارى
- عدد المساهمات : 336
تاريخ التسجيل : 25/07/2009
الموقع : الدوحه قطر
رد: الراكوبه الواسعه وفسيحه
انت هسي مالك هبيت فيه كده بسم الله الرحمن الرحيم وبعدين منوا القال ليك نظف راكوبة ولا في راجل بيكنس هسي صاحب المحل مش بيجيب حد ينظف انا ده قصدي ما قصدي انت تنظف العفو وانا زاتي خليت الشوكلالتة وخليت الراكوبة كلها علشان مافي زول يزعل من كلامي
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
انتى اصلا ما عندك شوكلاته ولا حاجه وعايزه تهربى عشان ماتسوى الجبنه والشاى وبعدين الراكوبه دى معروف انتوا البتكنسوها وتفرشوا العناقريب وتملوا الازيار وكدى تعالى هنا زعل شنو وراكوبة شنو البتخليها كدى قومى سوى الشاى والقهوه الناس دى هسه بتجى
اسامه مزاد بحرى- المدير الادارى
- عدد المساهمات : 336
تاريخ التسجيل : 25/07/2009
الموقع : الدوحه قطر
رد: الراكوبه الواسعه وفسيحه
مساء الخير يا راكوبة احلى زول ... اسامة انا جيت لقيتها مغبره ومليانة تراب نظفتها وانا بي يد وحده
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
والله يا سما الجروح مابتقصري اصلاً
والراكوبه نظيفه ميه الميه
لو عملت لينا جبنة انا واسامه اخوي دا والله تكوني ماقصرتي معا نا
لاني راسي داير اتكسر ....
والراكوبه نظيفه ميه الميه
لو عملت لينا جبنة انا واسامه اخوي دا والله تكوني ماقصرتي معا نا
لاني راسي داير اتكسر ....
رد: الراكوبه الواسعه وفسيحه
والله ياسموره ليك وحشة الحكاية شنو بى درب الجرى وراء الشمارات خليتى الراكوبة ...كدى هاك الفنجان ده اظبطى راسك وزحاكي بعييييييييييييييييييييييييييييد احكى لى شمار ناس محاسن
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
مرمر انتي كمان ليك وحشه والمكان دونك خلا ،،
لا لا الا الزعل ياود السنتر اسه مرمر تديك فنجان معانا يلا حبيبه اديهو فنجان وتعالي نبدأ ليك الشمار...
قالو محاسن يختي اتقدم ليها عثمان سيد الدكان
ولي اسه ما ادوهو رد
اصلو خالتها كانت حاجزاها لي ولدها واظنهم زي الدايرين ينطو لانو الولد لسه ما تم جامعتو وانتي عارفه عثمان باع دكانو وماشي السعوديه يعني مستقبلو مضمون ما زي اللسع ما عارف راسو من كرعينو ده،،،
غايتو ده الطقش اضاني بس بعد شويه بمشي عليها وبجيب ليك الخبر اليقين وكان لقيتي طريقه الحقيني بي هناك...
لا لا الا الزعل ياود السنتر اسه مرمر تديك فنجان معانا يلا حبيبه اديهو فنجان وتعالي نبدأ ليك الشمار...
قالو محاسن يختي اتقدم ليها عثمان سيد الدكان
ولي اسه ما ادوهو رد
اصلو خالتها كانت حاجزاها لي ولدها واظنهم زي الدايرين ينطو لانو الولد لسه ما تم جامعتو وانتي عارفه عثمان باع دكانو وماشي السعوديه يعني مستقبلو مضمون ما زي اللسع ما عارف راسو من كرعينو ده،،،
غايتو ده الطقش اضاني بس بعد شويه بمشي عليها وبجيب ليك الخبر اليقين وكان لقيتي طريقه الحقيني بي هناك...
سمراء النيل- مراقب أدبيات أحلى زول
- عدد المساهمات : 163
تاريخ التسجيل : 26/07/2009
الموقع : عالمي الخاص
رد: الراكوبه الواسعه وفسيحه
والله ياسموره الراكوبه يادوووووووووووووووب بقا عندها طعم كدى دقيقة قبل ماندخل فى الشمارات النرضى اخونا ود السنتر الزعل مرفوض وانت نقلى ليك بن مخصوص ونظبط ليك ديك الجبنة تشرب لمن تروى
ااها قلتى شنو ياسمورة الشمار ماعندك لكن كدى الموضوع فيه عرس خلينى انتحكر سمح فى الهبابى ده اها احكى وفى النهاية رسو على شنو اصلو قالو زولتك دى عينه طااااااااااااااااااايره وجنها مغتربين اشربى قهوتك ماتبرد
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
الله يامرمر قهوتك مظبوطه وجنزبيلها يلسع تسلم يدينك ،،،
اها كدي نشرب ونشوف موضوع المغتربين الجننو البنات وطفشو اولاد الحله،،
باقي يختي الظاهره دي دايره ليها مزااااج وروقه وفنجان تاني
اها كدي نشرب ونشوف موضوع المغتربين الجننو البنات وطفشو اولاد الحله،،
باقي يختي الظاهره دي دايره ليها مزااااج وروقه وفنجان تاني
سمراء النيل- مراقب أدبيات أحلى زول
- عدد المساهمات : 163
تاريخ التسجيل : 26/07/2009
الموقع : عالمي الخاص
رد: الراكوبه الواسعه وفسيحه
تسلمى ياسمورتى بس انشالله تكون عجبت ود السنتر كمان
اها قلتى شنو عرس المغتربين انت عارفه والله البنات ديل موهومات ساي ماعارفين حاجة لكن خليهم يجربو عشان يعرفو واسمعينى ماانسى بكرة معزومين فطور وجبنة عن ناس مسره ست الكسرة تعالى بدرى عشان نمشى وماتنسى الودع امكن تلقطى ليك قرش قرشين ينفعنك تشترى ليك سفنجة تغيرى سفنجتك المقطوعة دى
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
السلام عليكم ورحمة الله
صباااح الخير يا راكوبة طبعاً الساعة حالياً 2 صباحاً وأنا قاعدة زي القرد لوحدي أنا خشب الراكوبة ما معانا حد وينكم يا سمروة واميرة وود السنتر وأسامة وود أزهري ومعتصم كلكم نايمين أنا همشى اعمل شاي وقهوة ونسكافي وأُفلتين وكاكاو بالبن وأشربهم كلهم براي
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
طيب ياسما ماكان تلمى الكبابي دى تنومى تخلى الراكوبة وسخانه كده وتخلى الزير فاضى غايتو انا قشيته وغسلت العدة ومليت الزير تجى سمورة تعمل الشاى والقهوة انا ماشة الفطور
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
والله لكن غاب الشنب ولعب الضنب جنس شى الله يصبرنا يا ود السنتر شوف البنات ديل اتنين مباريات الشمار وواحده لحدى الصباح ما جاها نوم لا وتعمل الحاجات دى كلها وماتخلى لينا حاجه نشربه عليك الله دى حاله دى
اسامه مزاد بحرى- المدير الادارى
- عدد المساهمات : 336
تاريخ التسجيل : 25/07/2009
الموقع : الدوحه قطر
رد: الراكوبه الواسعه وفسيحه
حراام عليك يا أميرة انتي واسامة اول شئ انا نظفتا الراكوبة لحد ما ظهري انقسم والسرامس دي كلها مليانة شاي وقهوة وما خليتا فاضية وبعدين حضرتكم سايبين الراكوبة فاضيه ولو ما ستر ربنا ووجودي فيها كان الحرامي سرق العنقريبين والكم كرسي والراديو ديل
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
سلامات يا ناس الراكوبة
دحين مما بلقى لى عندكم حبة طايوق للدوكة دى ابت تقو معاى
وداير لى قرقريبة الاسكراتش دا ابى يعوس لى
وشوف لى معاك جردل عجين اعوسه قبال ما امش
دحين مما بلقى لى عندكم حبة طايوق للدوكة دى ابت تقو معاى
وداير لى قرقريبة الاسكراتش دا ابى يعوس لى
وشوف لى معاك جردل عجين اعوسه قبال ما امش
العاقب مصباح- مراقب أحلى زول رياضى
- عدد المساهمات : 7
تاريخ التسجيل : 09/08/2009
رد: الراكوبه الواسعه وفسيحه
هلا هلا اخوى العاقب حبااابك في راكوبتنا والله ما بتسوى شى كلوا بجيك أن شاء الله الكسرة والقراصة اتفضل اتفضل جر البنبر ده واقعد نضوقك جبنت بنتنا سمراء
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
الساعة الآن الرابعة إلا عشر صباحاً أي قارب الفجر على البزوغ وكان شفتوا الراكوبة هوووووووووووس مافيها غير الغفير حقها إلي هو ه انا ما تخافوا ما بيقدر حرامي يجي ماري بي جاي معاي ساعة تغير الاصوات الزي حقت كونان في المحقق كونان كان جى حرامي بغير الصوت وبخوفوا ... المهم البجي داخل بكره اول زول أنا عبيت الترامس كلها شاي وقهوة ونظفتا الراكوبه وبخرتها وما خليت شئ للبنوت البعدي علشان أميرة ما تشيل حالي
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
ياسما يااختى قول كلام غير ده حرامى شنو البتحرسيه انتى غايتو البركة فى نضافة الراكوبة وسرامس الشاى والقهوة ديل يعنى الليلة انا اشرب بمزاااااااااااااااااااااااج واحرس الجايين
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
العاقب مصباح كتب:سلامات يا ناس الراكوبة
دحين مما بلقى لى عندكم حبة طايوق للدوكة دى ابت تقو معاى
وداير لى قرقريبة الاسكراتش دا ابى يعوس لى
وشوف لى معاك جردل عجين اعوسه قبال ما امشمعقول ياالعاقب نحنا قاعدين نخليك تعوس نحنا البنعوس ونملح ليك كمان وماعليك الاتاكل وبس انت فى بيت الكرم والوجود وتانى انت تطلب ونحنا ننفذ
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
مرمر وسمويه شايفاكم ما مقصرات والله
الله يديكن العافيه وسدو لي اختكم دي معاكم باقي مشاغلي اليومين دي حارماني التواصل
وقعدتكن السمحه دي..
اسه قلت اطل عليكم ولقيت البيت خراب ..
لفه وبجي راجعه ...
خلن بالكن من البنبر حقي ده ما يقعد فيهو زول
الله يديكن العافيه وسدو لي اختكم دي معاكم باقي مشاغلي اليومين دي حارماني التواصل
وقعدتكن السمحه دي..
اسه قلت اطل عليكم ولقيت البيت خراب ..
لفه وبجي راجعه ...
خلن بالكن من البنبر حقي ده ما يقعد فيهو زول
سمراء النيل- مراقب أدبيات أحلى زول
- عدد المساهمات : 163
تاريخ التسجيل : 26/07/2009
الموقع : عالمي الخاص
رد: الراكوبه الواسعه وفسيحه
هوي يا بنوت ما بتخجلن ليه ما قلتو لي اجي عليكم في الراكوبة
دحين انا عرفت وشايلة قهوتي بي بخورها وجاية اشربها معاكن
عازماكن علي القهوة تعالن جاي منتظراكم
دحين انا عرفت وشايلة قهوتي بي بخورها وجاية اشربها معاكن
عازماكن علي القهوة تعالن جاي منتظراكم
رونق- مشرف أحلى زول جديد
- عدد المساهمات : 102
تاريخ التسجيل : 02/08/2009
رد: الراكوبه الواسعه وفسيحه
يا بنت أميره منوا القال ليك ما بحرس الحرامي كدي بس جربي حظك تعالى الساعة ديك كما اخدتي ليك كعه في نص راسك بي عصاية ساعتها بتعرفي بحرس الحرامي ولا لأ ههههه وعايني تاني ما تخلوا السرامس وسخانة عيب عليكم اجي الاقي السرامس وسخانه
سما الجروح- مراقب استراحة أحلى زول الترفيهية
- عدد المساهمات : 260
تاريخ التسجيل : 25/07/2009
رد: الراكوبه الواسعه وفسيحه
كدى اقيفن يابنات انسلم على اختكن رونق دى ونرحب بيها فى الراكوبه جايبه معاها قهوة مدنكلة بى بخوره مش زى قهوتك ياسما الختاها لينا من فى الليل فى السرامس دى قهوة فرش ..والسرامس دى الاوسخوها اسامه ود السنتر واظن العاقب اكل وماغسل يدو جرى على الشاى غايتو جنس غايتو.... واصبرى ياسموره يااختى الشاغلك شنو ونساك عزومة الفطور فاتك لكن .. قلت اسوق سما لقيتا ناااااااااااااااااايمه مامساهرة لصباح حارسه قالت الراكوبه من الحرامى هههههههههه ده اخر الزمن الرجال نايمين والبنات حارسييييين الله يدينا الصبر
اميرة- عضو ادارى
- عدد المساهمات : 336
تاريخ التسجيل : 25/07/2009
رد: الراكوبه الواسعه وفسيحه
السلام عليكم
انتن يا بنوت ما عاملات الفطور يوم الجمعة ولا شنو
اكان عاملاتنو واكان ما عاملاتنو انا عازم نفسي
انا بحب العصيدة وبعد الفطور الشاي شي اساسي
انتن يا بنوت ما عاملات الفطور يوم الجمعة ولا شنو
اكان عاملاتنو واكان ما عاملاتنو انا عازم نفسي
انا بحب العصيدة وبعد الفطور الشاي شي اساسي
سواح- أحلى زول نشيط
- عدد المساهمات : 21
تاريخ التسجيل : 12/08/2009
صفحة 4 من اصل 8 • 1, 2, 3, 4, 5, 6, 7, 8
صفحة 4 من اصل 8
صلاحيات هذا المنتدى:
لاتستطيع الرد على المواضيع في هذا المنتدى