الراكوبه الواسعه وفسيحه

$$ معتصم $$ كتب:الراكوبة هى ذلك الحيز الصغير الذى تقوم على أطرافها أعواد من الخشب
تتكئ عليها وتتغطى بكوم من القش وتفترش أرضها بتلك العناقريب التى صنعت يدويا ومحليا
وعلى أحد جوانبها مزيرة وعليها زير تعرف برودته من ذلك الندى الذى يجرى خارجه
فما أجمل أن يجمعنا هذا المكان
بالرغم من بساطته فأنه يكفيك حر الشمس وهجيرها
اذن فلنتقابل عند هذا الظل الجميل
ونحكى أجمل ما قيل
عسي أن يعود بعض ما فقدنا فى زحمة الدنيا
لك كل الشكر أخ أسامة
ودمت يارب

سما الجروح كتب:

هلا أسامة ممكن أشرب فنجان قهوة عندكم هنا نفسى أقعد في الراكوبة دي بصراحة الجو حر والراكوبة بارده وهواها ينعش

سمراء النيل كتب:ازيكم ياناس الراكوبه ومساكم زين

رغم اني ضيفه بس ما شايفه جبنه حايمه

حعزمكم معاي المره دي

والجايه عليكم

اتفضلو

$$ معتصم $$ كتب:

والله ما قصرتى معانا أخت سمراء

وجبنتك مغرية جدا

نشكرك على كرمك الجزيل

وان شاء الله دائما مارة على راكوبة أخونا أسامة ده يوماتى

وان شاء الله اكرامكم المرة الجاية على

وأنا جبنتى جبنة ناس كييفين

يعنى لو شربتوها الليلة بكرة بتفتشوها

ولحدى ما أجيبها ليكم وتحكمو