الراكوبه الواسعه وفسيحه

تذكير بمساهمة فاتح الموضوع :

ركوبتنا السودانيه معروفه بونسته ولمة الناس فيها وقعدته المريحه وونسته العفويه وشراب القهوه ام بخور وزيره البارد نتمنى ان تسعنا جميعا وان نقضى فيها احلى واسعد لحظاتنا جميعا

من طرف **ود أزهري** الأربعاء يوليو 29, 2009 5:04 pm

يعني بقت على تساليني بس...!!!... ...

شوفي ناس أسامة وأميرة قاعدين يجيبو شنو من الدكان

ويخلو لينا الورق والأكياس هنا...!!

ما حبيت أخلي الحاجات مجدعة عشان ما تجي تشاكليهم ساي...

لكن تاني...اليصبروا لي...

وكدي أدينا معاك كوز موية ساقطة النبل ريقنا شوية...

.....,,,

من طرف **ود السنتر** الأربعاء يوليو 29, 2009 8:19 pm

السلام عليكم
مساء الخير جميعاً ومشتاقين
ياخوانا ماتعزمونا الجبنه دي معاكم
ولا مافي فنجال فاضي

هوى ازيم كلكم وعاملين شنو انشاء الله تمام ود ازهرى مالك ماجيت المقابر قاعد تشرب لى فى الجبنه ومبارى الشمارات اها وين اميره وين سمراء النيل كدى حصلنى بفنجان جبنه وكوز مويه بارد من الزير دا والحقوا ود السنتر دا شايفوا تعبان وما قادر يتكلم

والله يا سمراء ما كان العشم الجيران الجنازه فى البيت وانتى حفلتك قاجه لا لا اتلومتى كتير والله ودى ما كنا حارنها فيك بس الله يسامحك ..... وكدى ورينى الحفله كانت مناسبته شنو وليه ما عزمتينا فى دى برضوا اتلومتى وزى ما بقول المثل الدنيا سدايه ورضايه يا اختى

من طرف **ود أزهري** الخميس يوليو 30, 2009 6:33 am

ود السنتر...الغيبة شنو...كلو ما تغيب...

كلو ما تفوتك جبنة السمرا البغني عليها الحلنقي زاتو...

وإنت يا أسامة...يعني نحنا نجي الدافنة ساي والوفاة من حلتنا

وما عارفين المات منو...!!!

أنا علي أعاتبكم لغايبكم الكتير ده...الحكاية شنو ياخ...!!!

مسختوا لينا الراكوبة زاتا...

ما تنقطعوا...وأبقو ظاهرين...وخليكم قريبين...

.....،،،

من طرف *** معتصم *** الخميس يوليو 30, 2009 1:19 pm

سلاماتنا أهل راكوبتنا الكرام
صبحكم الله بالخير وجمعكم على خير دائما ياااارب
ما شاء الله راكوبتكم عينى باردة عليها بقت لامة وربنا يزيد ويبارك ان شاء الله
والله الحقيقة لمة تعجب
ويا أسامة يا عزيزي ما عليكم الا تكتر بلحك وحلاوتك وجبنتك
عشان تكرم الناس ديل وكمان لو طلعت جعلى وعملت ضبايح تكون ما قصرت
مشكورين جميعا وما عدمناكم يا رب

من طرف **اميرة** الخميس يوليو 30, 2009 1:30 pm

هى هى انت مالك ياود ازهرى بقيت نضام كدى اتقول قاعد جنب دكان ود البصير ماقنا ليك مات مات راجل كبييييييييير من الحلة كدى خلى الناس ديل اليشربو ليهم موية يبلو ريقم من السخانه دى عشان انت قاعد من قبيل تشرب فى الجبنة وتاكل فى التسالى قصيت ضهر سمراء النيل دى مساهرة الليل كلو ترقص فى الحفلة لمن الواطة اصبحت ماشايف خشمه اتشرط من التسائب . وبعدين منو القال ليك دى انا الجبت الحلاوة ده اسامة وسما الجروح مالين ليهم كرتونه بتاعت بسكويت مع كبايتين شاى وكيس بتاع حلاوة وياكلو ويجدعو الورق ملو الراكوبه كلها فى الاخر زهجونى مشيت خليتم وهسى شايفة سما الجروح جدعت علب الصلصة وشايله ليها قروش ماشه على الدكان ماعارفاه شحدت منو

كدى عليك الله بطل النقة الكتيرة دي وخلى اسامة ود السنتر اليشربو العصير ده رسلو ليهم ناس البكاء باقى البرجع من الدافنه بدوه العصير

وبعد تشربو العصير ده اشربو الجبنة عملته ليكم سمراء النيل وقالت ماشة تنوم نعساااااااااااااااااااانه ومافى زووووووول يصحيها

من طرف **ود أزهري** الخميس يوليو 30, 2009 5:48 pm

لكن يا بتي الناس ديل مش حقو أعتب عليهم...

ما ممكن تكون الراكوبة الواسعة وفسيحة...وفاضية...!!!

بعدين ده بكا وين البقدمو فيهو شربات ليمون زي ده...؟؟!!

غيتو جنس محن...!!

وسما دي أنا الرسلتها الدكان تجيب لي تسالي...

جدعة...

لكن يا أميرة...توبك الجديد...ما مبالغة عديل...!!!

ما بتكلمينا مالك كان مشينا معاك...

.....،،،

ود ازهرى ناس الراكوبه وكلكم ازيكم وعاملين شنو انشاء الله كل الامور تمام وبعدين ياود ازهرى الراكوبه دى ماله فاضيه كده وانت زاتك داير تبقى زى معتصم ود السنتر تجى وتزوق وان كان لى اختك سمراء النيل ديك تجى ماره مرور الكرام وتجرى تقول محصله دكانه الزمان داك اهه يا خوانا وينه الجبنه البتعدل الراس الحقونى بيها سريع السهر قدد عيونا

من طرف **سمراء النيل** الجمعة يوليو 31, 2009 11:30 pm

ازيكم ياناس الراكوبه

كيفنكن وكيف احوالكن

معليش علي التقصير بس ياجماعه مرمر ورتكم عذري

وبعدين انت زاتك يااسامه امس ما كنت قاعد في نص الحفله ولا قايلني ما شفتك؟؟

طيب ياجماعه الجبنه دقايق وتطلع

آخد لي مشوار قريب وبجي صاده

مشاويرك دى حيرتنا المشوار الواحد يتم يومين انتى سايقه باص سفرى ولا شنو يا سمراء كدى ننتظر ونشوف حتمى كم فى المشوار دا ونشرب لينا فنجان لحدى ماتوصلى

من طرف **اميرة** السبت أغسطس 01, 2009 3:46 am

والله شكلكم يضحك وانتو منتظرين سموره تجى تعمل ليكم الجبنة دى لاقتنى باللفه التانية جااااارية الواقعة ماتشيلة لاحقه ليها تعليمة عروس متلبشه بصوت الدلوكة تتهزهز زى التلفون العاملينو هزاز واعصابه بايظه غايتو ياكن القاعدين لمن العروس تمشى شهر العسل لانها حاتكون نحل تقيل هاكم المناديل دى ربطو بيها ريسينكم هههههههههه

طيب ليه ماساقتنا معاها كدى وصفى لينا بيت التعليمه وين نمشى نضهب بى هناك

من طرف **ساهورى** السبت أغسطس 01, 2009 3:13 pm

شوفت الفنجال كيفتنا يا سلام عليكم لمتكم حلوه وداير لي كوز مويه صاااااااااااااااااقط من السعن المعلق وبنقط وكمان لو في بليلة فريك ياسلام الله يديم المحبا بيننا ودمتم بودّ سااااااااااااهوري

من طرف **سمراء النيل** السبت أغسطس 01, 2009 5:08 pm

مرمر اسه يابت امي في داعي لي الكلام ده

الناس ديل كان عرفوني عسكرت عند ناس بت المني

بيسيبوا الراكوبه خلا براها الايام دي ماناقصه

بس بيني وبينك انا زاتي حسيت اني كترتها وقلت

ارجع لي جبنتي دي وقدر القريشات التطلع لي منها المها بتنفعني شان اشتري هدوم للعرس بتاع اخلاص باقي قالو في البندر,,

اها هاكم دي الجبنه وبالهنا يارب

من طرف **كابو** السبت أغسطس 01, 2009 5:31 pm

اسامه مزاد بحرى كتب: ركوبتنا السودانيه معروفه بونسته ولمة الناس فيها وقعدته المريحه وونسته العفويه وشراب القهوه ام بخور وزيره البارد نتمنى ان تسعنا جميعا وان نقضى فيها احلى واسعد لحظاتنا جميعا

وين العنقريب الهبابي Sad

الاخ ساهورى شرفته راكوبتنا وشرفتنا والله كدى السعن دا اتملا الليله الصباح لكن الزير البهناك دا مليان من امبارح ومويته فريزر عديل كدى اجيب ليك منو اشرب وادينى رايك واقعد بعافيه

كابو مالك انت غبار الكراكه اثر فى نظرك ولا شنو يعنى ما شايف العناقريب المجدعه دى ولو عايز واحد خاص نعملوا ليك كدى تعال اتكى بى جاى واشرب ليك فنجان قهوه كارب كده عشان تورينى اخبار الدنش شنو معاك

من طرف **كابو** السبت أغسطس 01, 2009 5:58 pm

سمسم عناقريب شنو انا ما شايف اي حاجة وبعدين الجبنة بالعملوها العزابة دي مسييييخة وين الهبش يا انت

من طرف **ود أزهري** السبت أغسطس 01, 2009 6:16 pm

إزيكم يا أخوانة ناس الراكوبة...

دايرين أول شي نسلم كتير على أخونا الكوتش كابو...

وبتنا الدكتورة فجر...وأخونا الساهوري...

نورتونا في بيتنا الحنين...

إزيكم وإنشالله حالكم تمام...؟

يا أسامة كلمت البنات ديل يضيفوا الضيوف...؟

وبعدين أنا ما سامع كويس...الماشة ليها حفلة دي منو...؟

هسة أمبارح القريبة دي ما جينا من ناس سمرا...!!!

غايتو...

المهم...يا كابو جبنة العزابة مالا...؟...

والله هم صحي تعابا وغلابة...

لكن شغلهم شغل كيف برضو...ولا شنو...؟

.....,,,

كيف يا فرده فى سمراء النيل واميره عندهم قهوه تسطل عديل كده بس مشكلتهم بباروا الشمارات وطوالى حايمات من بيت لبيت ومن حله للحله لكن بيجن شويه كده وبتخارجن

من طرف **اميرة** السبت أغسطس 01, 2009 9:48 pm

الليله ياود ازهرى اصلك ماتكتر نقتك معاى انا راسى واجعنى وجايه مخصوص لسمورتى دى تظبط لى قهوة خاصة لانى الفى السيرمس دى مابتنفع معاى قومى ولعى لى نار واقلى لى بن جديد خلينى اشم الريحة اصلى بعيد عنك ملبشه بس اعملى حسابك من الفحم اصلو اسامة رسلناه يجيب لينا فحم مشه كتر لينا من الفحم الطقطاق اعملى حسابك ولعى النار دى بررررره مايقوم يطير يحرق لينا الراكوبة دى يحيرنا ياها مكان لمتنا وقعدتنا اسرعى اسرعى ياسموره راسى مايتكسر حصلينى

من طرف **ود أزهري** السبت أغسطس 01, 2009 10:18 pm

س.....

ل....

ا....

م....

ت....

ك....

يا إنتي...

.....,,,

من طرف **اميرة** السبت أغسطس 01, 2009 10:47 pm

الليلة مالك بتتكلم بالقطارة ياود ازهرى

من طرف **ود أزهري** السبت أغسطس 01, 2009 10:53 pm

اميرة كتب:

الليله ياود ازهرى اصلك ماتكتر نقتك معاى.....

اميرة كتب:

الليلة مالك بتتكلم بالقطارة ياود ازهرى

والله شي عجيب...!!!

نكورك ليكم ما تجو...نجيكم تكوركو...!!!

خلي بالك يا أميرة إنتي عدم الجبنة لسة مأثر معاك...

لازم نجيب ليك سمرا دي بأي طريقة...

أها ما قلتي لينا الشمارات والجديد شنو...؟

.....,,,

الراكوبه الواسعه وفسيحه

الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه

رد: الراكوبه الواسعه وفسيحه