سما الجروح في الكرسي الساخن

اسامه مزاد بحرى كتب: رجعنا تانى

اهلا بيك

سما انتى محسيه طبعا
حصل اكلتى تركين

لا والله ولا بطيقوا
فنانك المفضل

الفنان المفضل بالنسبة للفنانين السودانيين عصام محمد نور وبالنسبة للعربي بحب مروان خوري واليسا
لونك المفضل

لوني المفضل البني والأسود والبنفسج
هل تؤمنى بالتشاؤم

لا أستغفر الله العظيم عمري ما بؤمن بالتشاؤوم

وهل انتى متفائله

الحمدالله مهما حصل بحاول اكون متفائلة

اكتر شى بتخافى منوا

الله سبحانه
اكتر حاجه بتحبيها

لمة الأسرة في بيت حبوبتي دي أكثر حاجة بحبها

مواصفاتك للزوج الناج=
الأخلاق .. الطيبة .. الحنية .. الكلمة الحلوة.. الرومانسية.. عقل رجال وقلب أطفال

تانى ما بجيك راجع مع السلامه

@الأبيض الملكي@ كتب:

صباح الخير سما ....

صباح الورد يا أبيض

عندي سؤال واحد بس:

أحلي حاجة في الدنيا برايك شنو؟ .........
الأطفال
يلا سلاااااااااااام..
وعليك السلام يا زوق

الفرح المهاجر كتب:

اختى سما جيتك تانى
هلا وحبااابك الف الفرح
اوع تملى منى
بس اسئلتى شوى كتيرة

لا أبداً اعوذ بالله معقول امل منك تشرف في اي وقت أخ عزيز وغالي

ماهو شعورك وانتي في كرسي الاعتراف ؟ مع الشرح بالتفصيل
والله شعور جميل ومافيهوا أي ملل بس حاسة بالغدر من بعض الناس

ما هي سلبيات المنتدى برايك ؟. وكيف يمكن تجاوزها ؟

سلبيات المنتدى في عدد المشاركات الجادة بسيطة جداً ودا أمر ساهل تجاوزوا لو الناس شدة حيلها وزادة عدد المشاركات الفيها مناقشات جادة

كل انسان وله أمنيات وأمال .. يا ريت تخبرنا عن الحلم اللي
يراودك أو بالأحرى الامنية التي تتمنيها ؟

والله وبكل صراحة ومن كل قلبي الحلم والامنية الى بتمنها من كل قلبي نرجع السودان أنا وأسرتي

أصعب المواقف اللي مريتي بها ؟


أصعب موقف مريت بيها أني لما دخلت الجامعة اتبرلمتا وبدل ما يودوني المُصلى بتاع البنات وصفوا لي مُصلى الرجال لقيت نفسي في وسط كمية كبيرة من الرجال وكتر خيروا الوصف لي غلط المهم في الاخر لقاني معيد من الناس البيصلوا ووصف لي صاح لكن اليوم ده انا بكيت بكاء

اوعى تكونى زهجتى منى
كدى جاوبى ديل ولى عودة

لا أبدا مافي زهج وهلا بيك

ود السنتر كتب:احم احم
قلت كيف يا سما الجروح انا مجرم كدي ردي لي بعدين نشوف امر الاجرام

ههههه والله آآآآآآآآآآسفة شديد والله ما أخدتا بالي الا بعد تنبيهك يا ود السنتر بعتزر

1/ اهم ثلاثه حجات حصلت في حياتك

اولاً نجاحي في الثانوية العامة

ثانياً ولادت اخوي محمد الصغير

ثالثاً تخرجي من الجامعة بتقدير جيد جداً



2/رايك في العلاقة بين البت والولد

حدد مفهوم العلاقة قصدك الحب أم الصداقة اذا قصدك الحب فأذاكان واضح زي الشمس وكل اهل البيت عارفين وصادق وبتحكموا الاخلاق فمافي مشكلة اما اذا كان في الظلام ومن دون اخلاق ومُزيف فأعتقد أنو كلام فارغ

أما عن الصداقة فأعتقد أن لكل شئ حدود وبحترم جدا الصداقة المحترمة يعني الولد ياخد في اعتباروا الاخوة والبنت كمان


3/شعورك وانتي في الكرسي

شعور حلو والله مافي اي ضيق من أي سؤال والحمدالله


4/ هل البنات اذكي من الاولاد

والله مُعدل الذكاء بيختلف من فرد لفرد مش من بنت لولد يعني ممكن تلقي ولد ذكي جدا وممكن العكس


دي حجات بسيطه عشان انا مجرم
ولي رجه تاني واشوف امر المجرم
صحي انا مجرم!

ههههههه مجرم ومجرم وتاااااااااااااااااااااااااااني مجرم وأنا منتظراااااااااااااك

ود السنتر كتب:عدنــــــــــــــــــــــــــــا:

5/ايهما تفضلين الصمت ام الكلام؟

كل واحد عندو دور ومكان ود السنتر بتمر علينا لحظات بيكون الصمت فيها ابلغ من الكلام والعكس احيانا بنطر نستخدم الكلام


6/ لحظه مره في حيا تك؟

وفات حبوبتي رحمة الله عليها كان اصعب موقف في حياتي لاني اما جيت عندها كانت حيه وماتت اثناء وجودي فكان بالنسبة لي اول مرة اشوف حد يموت قدامي مؤلمة لدرجة وبزات اذا كان انسان غالي على قلبك


7/ اكتر لحظه كنتي فيها سعيده؟

أكثر لحظة كنت فيها فرحانة اما كان والدي شايلني علي راسوا وكان عمري 7 سنين وطايف بي بيت الله الحرام


8/ماذا تتمني في هذه اللحظه؟

أتمني لو أقضي العيد في بيت حبوبتي


ولسع انا ما شفت معاك موضوع اني مجرم
ولي عوده اخرى ان شاء الله .................

شايفاها مؤثرة فيك شديد قصة الاجرام دي يا مجرم

اسامه مزاد بحرى كتب: معليش سؤال فرض نفسوا

هلا بيك من تاني

ماهى نوع المواضيع الجاده التى تفضلينها فى المنتديات

* معتصم * كتب:سما نهارك سعيد

نهارك أسعد يا معتصم
رايك شنو مع رمضان ده وسخانة النهار الحارة دى وانت صايمة
نطلع ليك كرسيك ده شوية كدة على الشمس برة

هههه ولا يهمك حاااضره اصلها سخانة في سخانة اتعودنا

عاوز اسألك كتير بس أولها
سما فى الفترة الأخيرة وأنا شاهد عيان على ذلك
الزواج أصبح عند البنات بى فهم غريب
يعنى الزواج عن حب بدأ فى التلاشى وبقى لى شييء واحد بس
القروش
رايك انتى شنو فى الكلام ده

والله يا معتصم في مثل مصري قديم بيقول(يا واخد القرد على مالوا بكرة يروح المال ويفضل القرد على حالوا)علشان كده أتمني أن أي بنت تفكر مية مرة قبل ما تربط حياتها مع انسان علشانخاطر القرش وتعيش في الاخر تعيسة من غير حب

ثانيها
سما لو يوم لقت روحها فى موقف بين الأهل والزوج
فكيف يكون التصرف

والله بحاول قدر الامكان يا معتصم أربط بين الأثنين وأحلحل المشكلة قدر ما أقدر ولو صعبت على أكيد ما هستغنى عن أهلي صعبة جداً

ولو كانت سما أم لبنت هل تساعد بنتها لأن تبحث عن زوجها اللى تحبو
يعنى زى ما بنشوف فى الأفلام والمسلسلات بالطريقة المصرية

والله يا معتصم دي حياتها ومدام حبت وهو حبها والموضوع في النور وهو انسان عندوا اخلاق فسعادة بنتي اهم لي من مال قارون وهقيف جنبها لحد ما تحقق حلمها[/size

ولو سألناك عن مقومات أى زوج متقدم لأى زوجة يهمك أمرها

[size=24]الراجل ما بيعيبوا جيبوا يا معتصم الراجل بيعيبوا أخلاقوا ولو وحده بتهمني أول حاجة هسألها بتحبيهوا لو قالت ايوة يبقي رحم الله أمرء عرف قدر نفسة وهتمني ليها السعادة واتمني انوا يكون صاحب خلق وطيب القلب وحلو اللسان

مع جزيل شكرى لك

ود السنتر كتب:الاخت سما الجروح ليس كل ما يتمناه المرء يدركه

صحيح ود السنتر مقوله في مكانها

ما الشي الذي تمنيتيه وتحقق ؟و ما الشي الذي تمنيتيه ولم يتحقق ؟

الفرح المهاجر كتب:

جيتك تانى يا سما
بس اوع تضايقى وخليك كول

هلا وحبايك عشرة وأنا كووووووول لأبعد حد أتفضل

1,, كم تعطي نفسك من الخلوه والتعمق في التفكير لكي تراجعى ماقمت به في حياتك؟؟

شوف يا الطيب أنا والحمد الله من الناس البتحاسب نفسها دايماً ومعظم وقتي بكون مع نفسي لأني بحب احاسبها على الصح والغلط

2 هل انت صريحة مع الاخرين؟؟

على قدر المستطاع والحمدالله إذا كانت صراحتي ممكن تجرح مشاعر حد ساعتها بتجنب الصراحة

3 هل الخيال والاحلام لها دور في حياتك ؟؟

طبعاً يا الفرح كا أنسان بيهرب من الواقع المر للخيال والاحلام

4 ماهي فلسفتك للحياه؟؟

لا أملك أي فلسفة للحياة

5 هل انتى متفائل؟؟ ومامعنى التفاؤل عندك؟؟

الحمدالله متفائلة قدر الأمكان... التفائل عندي هو النظر للحياة بنظارة بيضاء


6 هل تتنازل عن حقوقك ومتى يكون ذلك؟؟

ليس دائماً ولكن أتنازل عنها عندما يُشاركني فيها أعز الأحباب أبي وأمي

7 احلى ذكرى فى حياتك ؟؟

ذكرياتي في بيتنا الكبير بيت جدي وجدتي دي أجمل ذكرياتي

8 قدوتك بالحياه ؟؟

رسولنا المصطفي عليه أفضل الصلاة والسلام قدوت كل زمان ويأتي من بعده أبي الغالي

9 موقف ابكاك؟؟ و كسر عتبة من عتباتك

موت جدتي وجدي

10 اجمل لوحة خيالة رسمتيها فى حياتك واتمحت؟

الحب