سما الجروح في الكرسي الساخن

اسامه مزاد بحرى كتب:البكاء وأتمني أن اقلع عن هذه العادة

بسم الله نبداء ... كدى اول حاجه نعرف الببكيك شنو عشان ما نسألك منو ( طبعا لو ممكن)
حاجات كتيرة وانت بس أسأل وما عليك بالببكيني
تانى حاجه سماء الجروح مصرية المولد سودانية الاصل اماراتية التعليم
اين تجدين نفسك ولى اى جهه تشعرين بالانتماء
طبعا سودانيه مية في المية وما بلاقي نفسي غير في بلدي
كدى امشى واجيك تانى

اسامه مزاد بحرى كتب: جيتك راجع تانى
حبابك عشرة

نقل فوادك حيث شئت من الهوى \\\ فما الحب الا للحبيب الاول
هل تؤمنى بهذا المنطق ام لكى راى اخر ؟؟

طبعاً منطق صحيح عند بعض الناس وفي بعض آخر بيحب مرة ثانية بس بنسبة لي أن الحب الأول هوه الاقوى

رايك فى الفتاه السودانيه وبكل صراحه

الفتاة السودانية قوية شجاعة مثابرة





رايك فى الشاب السودانى وبكل صراحه

الشاب اسوداني الرجل بمعني الكلمة لأن بصراحة شايفة انهم يُعتمد عليهم بكل ثقة عكس باقي الاجناس


بجيك تانى راجع

* معتصم * كتب:سما صباح / مساء الخير
مساء النور والورد معتصم
سما لو ما كنتى سودانية ح تكونى شنو
ولو ما كنتى محسية ح تكونى شنو
لو ما كنت سودانية هكون سودانية ولو ما كنت محسيه كنت هكون جعلية
سما هل تفضل الصداقة من البنات أو الأولاد
شوف معتصم مافي وحده في الدنيا ما بتفضل صداقة البنات بس انا بقول برضوا الاولاد صداقتهم جميلة وانا عندي ثلاثة اصدقاء اولاد بحبهم شديد وهم اصدقائي جدا وهم اخواني في البيت

ورايك شنو فى تقاليد أهلنا زمان
وفهم شباب اليوم

ناس زمان ديل كنز عظيم يا معتصم كنز للاسف ما كل الناس بتستفيد منوا انا بحب كل شئ ليهوا علاقة بي زمان وبحترم اي كلمة ممكن يوجها لي زول كبير في السن عارف ليه لانهم شافوا وعرفوا اكتر بي كتير من ما شفنا وعرفنا ايام زمان وناس زمان كانت بالنية يا معتصم بس هسي وريني وين النية الطيبة اعوذ بالله نادر جدا تلاقي زول قلبوا صافي ونيتوا زي لبن الحليب وللاسف فهم الشباب اليوم فهم امشي مع دي واعلق دي واجكس دي مع الاعتزار وزمن الحب شنوا ياخي خلينا عايشين وزمن الفيس بك وزمن الولد البيعمل ملمع في شفايفوا والله حاجة تحير بس الواحد ما يقول العيب في الزمن لان الزمن ما بيتغير هوه هوه البيتغيروا الناس ونفوسهم وقلوبهم وللاسف اخلاقهم وضمايرهم عموما معتصم انا ربتني حبوبتي الله يرحمها وبعشق بعشق بعشق كلامها وكلام الناس الكبار


دى عل السريع ولنا عودة

اسامه مزاد بحرى كتب: معليش تانى جيت راجع

هو أنت جيت راجع تاني معليش بتعمل شنوا..!ولا شنوا

سما الجروح مرت بالسودان فترات مختلفه وحكومات وشخصيات اثرت الساحه السياسيه والاجتماعيه كثيرا
اى السياسيين السودانيين لفت انتباهك ورايتى فيه المنقذ للسودان

أنا كنت بحب المرحوم رحمة الله عليه الزبير محمد صالح وكنت حاسه هو المنقذ
رايك فى الحركه الشعبيه شنو
ماعارفة بصراحة اساسا هي شنوا بزبط يعني بمعني ماعندي اي علم بيها
وهل تؤمنى بمشاركة المراة فى السياسه
ايوة طبعاً وياما في سياسيات في العالم

وما رايك فى قرار مايسمى بالمحكمه الدوليه فى حق السيد رئيس الجمهوريه

ظلم وبُهتان

ومتى اخر زياره لكى للسودان واين ذهبتى
من سنة وشويه

تانى بجيك راجع

ود السنتر كتب:السلام عليكم سما الجروح

وعليكم السلام ود السنتر المجرم حبااابك الف
رمضان كريم

الله أكرم عليك وعلينا وعلى جميع المسلمين
شايفك كابه الزوقه

ابدا والله ما في اي زوغة حاااااااضره

اها انا جيتك

جهزي نفسك كويس
هلا بيك مرحبتين\