لحم الذكرى في رثاء شقيق القامة الفنية الاستاذ محمود عبد العزيز

التهامي كتب:

لحم الذكرى

كلمات عبد الاله التهامي

انا شلتا من حروف اسمك ولمحتك
زادي للماضي التلبد
ومن حنايا ضلوعي شيدت
مركب لي مجيك
والنزيف من فرقتك كون بحور
سفلت طريق
والغيوم اتلبدت يوم الفراق
تظلل سماك من الهجير
والمطر هطال ينعش فضاك
يغسل الجرح الغوير
والصخور اتفتت من العوبل
وقت الفراق ساعة الرحيل
والجبال حنت الرؤوس وجلانة
من صرخة الوجع الدخيل
××××
نفسي نس اتذوقك زفرة
في لحم الذكرى العنيــد
واتيمنك مبتسم لي صورة
حفها الحنين
وفي التانية قدامك انــــا
وسرحة عيونك بي وراي
مافهتهـــــــــــــــــــــــا
الابعد الصورة جات
ياريتا جات من زمان
كنت عرفتهـــــــــــــا
سرحة في مدنا بعيدة
لاشافا زول لا اتخيلا
ياخي طبطب علي قفاي
اسرح معاك واحزاني
كنت المـهــــــــــــــــا
××××
الهموم فوق الهموم
صبحت سموم
تمزق الجسم النحيل
تحطم القلب المتين
بس مستحيل
تجهض الحب النبيل
تمحي جواي الحنين
××××
حنين يابابا مين الجميل
الانت قاعد جمبو دا
مالقيت ليها كلمـــــــــة
توصف روعة عمو دا
الا حاتم كان قريــــــب
وماشوفتا الا عمو وبسمتو
يابابا حاتم ماكبيـــــــــز
انت ماقدرت توصفــو
وفجأة في احضاني نامت
وفي احلاما جاها يونسا
حاتم انا بالنسبة ليــــــــو
ولك حبا أبديا كالثـــرى
خليني جمبك ياحنيـــــن
مشتاق كتير احلم معاك
في حضن الغنـــــــــــــــا

هذا جهدي المتواضع لاعبر عن حزني واساي لوفاة شقيق القامه الفنيه الاستاذ محمود عبد العزيز سائلين المولى ان يتغمده بواسع رحمته لك الرحمه والمغفره الاستاذ الفنان ايهاب عبد العزيز