ما رأيكم فى القناة السودانية زول

من طرف *** معتصم *** السبت يوليو 25, 2009 9:09 pm

في الأونة الأخيرة إنطلقت عدة قنوات سودانية منها النيل الأزرق وهارموني والشروق وقناة زول التي أنا بصدد الحديث عنها وما تقدمه تلك القناة من مواد مختلفة تماماً عن التقاليد السودانية وما بها من مناظر خليعة كما إنها إرتبطت بكلمة زول التي لها معزة خاصة بين السودايين بالرغم من أن بعض العرب يستخدومنها على سبيل التريقة من لجهلهم بمعاني كلمة زول
(زول) من فصيح العربية ولها في لسان العرب لابن منظور أكثر من سبعة عشر معنى ، فالزول تعني :
(1) الكريم الجواد ، أنشد السكيت المزرد :
لقد أروح بالكرام الأزوال من بين عم وابن عم أو خال
(2) والزول الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان :
فإذا كان حركاً ظريفا متوقدا فهو : زول .
(3) والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولاً وفطيماً وراضعاً وغذياً
(4) والزّول : العجب ، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء . قال الشاعر في وصف سير ناقة .
مرفوعها زول وموضوعها كمر غيث لجب وسط ريح
فمرفوعها زولٌ يعني سيرها إذا أسرعت عجب من العجائب .
(5) والزول : الشجاع الذي يتزايل الناس من شجاعته
(6) والزول الخفيف الظريف الذي يعجب الناس من ظرفه
(7) والزول الغلام الظريف
( والزول : الداهية
(9) والزول الصقر
(10) والزول : معالجة الأمر كالمزاولة
(11) والزول: التظرف
(12) والزول : الحركة
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة ... قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء ، قال رؤبة بن العجاج :
قد عتق الأجدع بعد رق بقارح أو زولة معق
(16) ووصيفة زولة : إذا كانت نافذة في الرسائل
(17) ويقولون فلان رامي الزوائل : إذا كان خبيرا بالنساء ، قال الشاعر :
وكنت امرأً أرمي الزوائل مرة فأصبحت قد ودعت رمي الزوائل
ففتى: زول
وفتاة :زولة
وفتية: أزوال
وفتيات زولات
ونسوة زوائل .

بالله رأيكم شنو في ما تقدمه تلك القناة من مواد وبرامج ؟؟؟؟

بصراحه انا لم اشاهدها الى الان ولكن ما اسمعه عنها مخزى لكل سودانى غيور والله يستر ما تنتشر الظاهره ونبقى زى دول تانيه

من طرف *** معتصم *** الجمعة يوليو 31, 2009 6:34 am

والله يا اسامة أحمد الله انك ما شفتها
لانها لا علاقة لها بالزول ولا تسبهه من اى ناحية
هى تقريبا ترويج لفهم دخيل ربما على السودانيين
وحتى الفنانين السودانيين اللى بتم عرض اغانى لهم على قناة زول هم فقط أشباه فنانين

مشكور على المرور
ودمت بود

من طرف **سمراء النيل** الجمعة يوليو 31, 2009 11:35 pm

اخي الكريم معتصم

صراحة مررت عليها مرتين او ثلاث ولكن لم يعجبني فيها اي شيئ

إضافة الي انني وحتي الان لم اجد الرابط بينها وبين السودان!!!!

فإن وجدته انت أخبرني

من طرف **اميرة** السبت أغسطس 01, 2009 11:12 pm

اخى معتصم اولا اشكرك جزيل الشكر على المعلومات المفيده حول شرح معنى كلمة زول واحييك على روح الانتماء والوطنية اما بالنسبة لقناة زول حقيقة لم اشاهدها ولكنى اعتقد بانها مثلها ومثل قناة ساهور التى يقول انها لتعظيم الرسول (ص) ولكنها بعيدة كل البعد من ذلك

تشكرات على الموضوع ودمت بكل ود

من طرف *** معتصم *** الأحد أغسطس 02, 2009 9:56 pm

مشكورين جدا الأخوات سمراء النيل وأميرة على المرور الطيب
وما عدمنا مداخلاتكم
ومثل ما تفضلتم أن قناة زول ليس لها علاقة بالسودانيين بل هى عبارة عن مجموعة فنانين حبش
وحتى أن لها بعض البرامج ليست باللغة العربية وهى بلغة الحبش تقريبا
نتمنى ن تتخلى هذه القناة عن هذا الاسم

من طرف **اميرة** الأحد أغسطس 02, 2009 11:01 pm

* معتصم * كتب:مشكورين جدا الأخوات سمراء النيل وأميرة على المرور الطيب
وما عدمنا مداخلاتكم
ومثل ما تفضلتم أن قناة زول ليس لها علاقة بالسودانيين بل هى عبارة عن مجموعة فنانين حبش
وحتى أن لها بعض البرامج ليست باللغة العربية وهى بلغة الحبش تقريبا
نتمنى ن تتخلى هذه القناة عن هذا الاسم

نحنا غايتو مشكلتنا مشكلة مع الحبش لانو حتى فى الحياة العامة بتشبهو بالسودانيين وفى الخليج بالذات كتير منهم يحملو جوازات سودانية وهم ماعندهم اى علاقة بالعادات والتقاليد السودانية

هههههههههههه معتصم كترت زول وزول والله عيني وجعتني بس ما قصرتا على التوضيح أنا طبعاً في العربي صفر علي اليمين وعلى الشمال ههههه بس قناة زول يمكن شفتها مرتين ثلاثة ما أكتر