نكات اهلى الادروبات

انا طبعآ ادروب
واهلنا مشهورين بالطرافة
وسرعة البديهة وهاكم ديل
لمن اجيكم بالباقى
ادروب قال ليك جاي من البلد جديد سامع ليك بالامريكان والتجسس علي السودان , اها الحكاية مخمرة ليهو في راسو .
يوم جا السوق العربي لابس ليك هدوم وسخانة شديد الشعر ملان ودك وممشط والودك سايل في الهدوم , وشايل ليك سيف وسكين ودرقة وعكاز وسفروك وسوط عنج , وخاتي الخلال بتاع الخشب في راسو , اها لاقوه ليك خواجات سياح الخواجة للتعترو قام طلع الكاميرا وداير يصور ادروب , جاهو بي قدام ادروب اتلفت ورا , جاهو يمين ادروب قبل شمال , المهم قفل ليهو الدرب ادروب ما كضب طلع السيف وشال ليك راس الخواجة ورجع السيف محلو وعاين ليهو كدا وقال ليهو: داسوس واهد
ادروب قبضوه ناس النظام العام سكران في حملة ومعاه حبشي وجنوبي مسيحيين دايرين يجلدوهم الجنوبي قال انا مسيحي خلوهو يمشي سالو الحبشي وانت شنو قال مسيحي فكوه قام العسكري انت اكيد مسلم ادروب داير يقول مسيحي طارت ليهو سكت شوية وقال للعسكري : ياجنابو انا مشركين عزيييييييييييييييييل كدا .


في كسلا في حلة بتاعت نوبة اسمها كادقلي فيها بيوت سكر , يوم الكشة بيكون معروف مافي زول يجي يسكر , وكسلا معروفة بالتهريب , اها يوم في كشة ادروب ما عارف جاء اتملاء عرقي فل , فجأة الكشة كبست لاندكروزرات جد ادروب قام مشتت لاقاهو لاندكروزر قدامو رجع الشارع التاني لقي واحد قدامو حاول يرجع اتحاصر بين تلاتة لاندكروزرات , الضابط نزل مسكو قام ادروب قال ليهو : شنو يا جنابو انا شكران ولا تهريب

ادروب سمع الباب دقه ...فتح الباب .. مالقى أى زول ...
قال : الله ..؟ ده مس كول ولا شنو ....


ادروب مسطول مشي البحر الاحمر يصطاد سمك
قام اصطاد سمكة زينا ملونه
قال يا سلام سمكه راهاااااااات جاي من السعوديه ؟؟؟



ادروب عيان مشى المستشفى بعدما كشف عليه الدكتور قال
ليهو ما تأكل لحوم.. رجع للدكتور تاني وقاليهو يا دكتور الكمونية نأكل؟


أدروب سألوهو الثعلب بيلد ولا بيبيض ، قال ليهم مكار الإتنين يسوى!!


أدروب قبضوهو سكران أيام النميري جلدوهو وسجنوهو
جا راجع الخرطوم بعد سنة, لقي الإنتفاضة مدورة والمظاهرات مالية الشوارع
ياجماعة في شنو؟
يا أدروب دي الإنتفاضة
أنتفادة يعني شنو؟
يا أدروب خلاص نميري شالو وبعد كده تسوي الدايرو..
قام أدروب مشى سكر سكرة قوية ومشى نقطة البولبس عديل
يا سعادة الضابط::
مالك يا أدروب داير شنو؟
سجل عندك أنا أدروب مهمد أدروب
ســــــكران وشيوعي كمان

ادروب مرتين حكموا عليه بالجلد فى عهد الانقاذ عشان سكران والمرة
التالتة القاضى زعلم منو وقال ليهو محكوم عليك باربعين جلدة ومائة
وواحد يوم سجن ادروب :ياقاضى عرفنا مائة يوم لكن الواحد دا دمغة شهيد ولا شنو؟

قالوا ادروب شاف ناس سلاح الموسيقى بينزلو في العده بتاعتهم من جيتارات وسكس فونات ولا بسين احمر وبنطلون ازرق واحد سالو قال ليهو يا ادروب ديل شنو ديل قال ليهو اظنو عمال جبكسين

مجموعة من المصريين جابوهم شرق السودان عمال،أدروب زهجان ومالاقي شغل قعد يعاين فيهم..واحد منهم:في ايه،انت ماشفتش عمال أقانب ولا ايه ياعم؟؟
أدروب:واللاهي عمال أجانب شفنا لكن تلبة أجانب أول مرة نشوف.




أدروب سمع بموت قرنق ،،، قال لا اله الا الله ،،،
ماهية واهد ماصرف.


أدروب شغال حارس في مخزن دقيق يوم شاف في التلفزيون في ساحات الفداء واحد مجاهد بيقول : والله كتلنا الخوارج و كانت معركة شرسة و كنا جيعانين ، بس فجأة السماء نزلت فينا دقيق و قمح . أدروب رجع المخزن وشال القمح باعو و نام في عنقريبو . ناس الحكومة جو تاني يوم لقو الدقيق مافي ، سألوه : يا أدروب الدقيق وين . قال ليه : أدروب ليل كلو أمبارح ما نام ، الملائكة تشيل دقيق تودي جنوب

ادروب كان قاعد قدام بيت فى كسلا مراقب من ناس الامن متهمين اصحابه بانهم من ناس المعارضه بتاعة الشرق .........
الامنجيه سالو الادروب اسمع انت من اهل البيت ؟؟؟؟؟؟
ادروب رد : ادروب من كفار قريش


أدروب أكل مرقة ماجي بكمية كتيرة
جاتو قبضة قوية ودوهو المستشفي
الدكتور سألوا ،، أكلت شنو الليلة ياأدروب


(((( بسكويت أبوديك أكلنا

هنوية
اميرة
مشكورين على المرور