خم الرمــــــــــــــــــــــــاد

من طرف **اميرة** الأربعاء أغسطس 19, 2009 10:32 pm

من زمن بعيد ماقريب ومن قمنا وتيبنا دائمابنسمع قبل رمضان بيوم الناس بيقولو اخر يوم قبل رمضان انو يوم خم الرماد والماعارفنو لقاية هسى المقصود بيوه شنو

[size=18][size=18] الرماد طبعا من المعروف انو باقى النار لمن يكمل الفحم بيصبح رماد ... هل المقصود بيه نظافة البيوت لاستقبال رمضان ام مقصود بيه نظافة النفوس وخم الشوائب لاستقبال رمضان ولا انتو عندكم فهم تانى كدى كل واحد يدخل يورينا فهمو فى خم الرماد لانى شايفه الناس بتخرمج كتير فى يوم خم الرماد ومفهوم الناس ليها عكس شرحها]

من طرف *** معتصم *** الخميس أغسطس 20, 2009 3:17 am

خم الرماد ده يا أميرة مصطلح كنا بتستعملو فى اخر يوم قبل رمضان
وكنا عشان مقبلين على الصيام والجوع كنا بنمشى أكبر مطعم فى البلد
وننزل أحسن أكل وأغلى أكل
ولو حتى فى البيت الناس بيعملو حاجات دائما ما بكونو متعودين يعملوها فى العادة
عشان يتهيئو لى رمضان ونفوسنهم شوية تكون مقتنعة
وده طبعا كلو سوء فهم وعادة جرت على الناس
لكن فى الفترة الأخيرة شايف انها بدت تتلاشى
ان شاء الله أكون وصلت ليك فهم خم الرماد

ولك كل الشكر

خم الرمــــــــــــــــــــــــاد

خم الرمــــــــــــــــــــــــاد

رد: خم الرمــــــــــــــــــــــــاد