زواج المغتربين من المغتربات !!!!

من طرف *** معتصم *** الأربعاء أغسطس 05, 2009 6:24 pm

لاحظنا فى السنوات الاخيرة ان هناك كثير من الاسر السودانية المغتربة
خارج السودان يتزوج ابنائهم من بعضهم البعض ويؤدى هذا الى تكوين اسر
ممتدة فى الخارج واجيال لاتعرف عن السودان الكثير --!!!!!!!!!!
نعم نعلم ان الزواج قسمة ونصيب ولكن البعض يعزى ذلك ان هناك مهما
كانت تكلفة الزواج فهي اقل --
وبعض الاخوان (يفضلها)مغتربة للسبب السابقوياتى بعضهم للسودان
يعمل دعوة بسيطة ويسافر يكمل باقى مراسم الزواج هناك--
ترى هل هي ظاهرة ايجابية ام سلبية؟؟؟؟؟؟؟؟؟؟؟
وما مصير تلك الاجيال التى تنشأ هناك
والبعض منهم يمنح جنسية تلك الدولة
؟؟؟؟
وهل هو اي هذا الزواج اقل تكلفة فعلا؟؟؟؟

الاخ معتصم هو موضوع مهم للغايه ولكل شاب وشابه من بلادنا الحبيبه ويبدوا لى انه او ل منتدى يطرق هذا الموضوع الهام جدا .. وفى اعتقادى ان زواج المغتربين له مزايا وله عيوب ومن مزاياه الحسنه ان الاسرتين بيكونوا بعرفوا بعض واحوال بعض بصوره كبيره وجيده ثم وجود البنت مع امها والولد مع اسرته فى نفس المنطقه وخصوصا البنت لانها مقبله على حياة جديده لا تعرف عنها الا القليل ووجود والدتها معها قد يساعدها كثيرا وخصوصا لو كانت موظفه التكاليف قد تكون يسيره على الطرفين وتفادى كثيرا من المصاريف التى لا فائده منها
اما عيوبه قد تكون فى انجاب جيل لا يمت للوطن الام باى صله مع ان ذلك يتوقف على العروسين ومدى ارتباطهم بالوطن وايضا من سيئاته عدم البهجه والسرور الذى يدخله الاهل والجيران فى السودان ووقفت الاخوان والاصدقاء التى نفتقدها فى الغربه.. مع ل الشر واعزرنى على الاطاله

من طرف halaty yanas الخميس أغسطس 06, 2009 4:47 pm

قالوا الضو بضوي في قبيلتو، وبنات البلد دي اتعودوا على الكبسة والنوم في التكيف ، ومستقبل الا نسان ما مربوط بي البلد دي على طول فنحنا عاوزين بنات شعارهم ذي شعار موبيتل أي مكان أي زمان.

من طرف *** معتصم *** الخميس أغسطس 06, 2009 10:44 pm

الاعزاء اسامة وحلاتى ياناس
الف شكر على المرور الرائع والتعقيب الجميل
وما عدمناكم ياااارب

من طرف **اميرة** الخميس أغسطس 06, 2009 11:09 pm

اوئيد الاخ حلاتى ياناس كثيرا على رايه لانو فعلا بنات الغربة والاغتراب للاسف تربو على نوع معين من العيشة ومن الرفاهية وحياة الغربة مامضمونه اوبالاصح لم تكن ابدية فلابد من العودة للوطن واذا حصل ذلك مامعروف حايحصل شنو وبالاضافة الى ذلك دائما زواج الغربة معظمه بكون الاختيار بعيد عن العواطف وبكون محسوب بالارقام والمصالح يعنى بكون مبنى على اسس معينة واذا تغير اى ركن من اركان هذه الاسس لاى حال من الاحوال سوف تختل الموازين وتصبح الحياة جحيم لايطاق ونفضل نقول ياريت الجرى ماكان

وعموماً االزواج اذا كان فى السودان او فى بلاد الغربة فهو علاقة سامية يجب ان تبنا وتاسس على التفاهم والانسجام التامة والتوافق الفكرى والعقلى بعيدا عن المصالح والحسابات لكى يكون صالح لاى زمان ومكان

احييك اخى على طرحك لهذا الموضوع المهم ودمت بكل ود

اخى الغالى الزواج فى حد زاتو شئ جميل
جدا سوى كان فى السودان ولابر السودان
بس الفرق انو الاولاد لمن يتربو فى الغربة ويولدو فى الغربة
اكيد ما حيكون ملمين بى تراث البلد وابجديات التراث وعاداتنا
الحلوة لاكن بعض المغتربين يشلو اولادهم سنويآ ويورهم الاهل
مناطقهم فى لسودان ويرجع بلد حتى يتعرف بى اصولو وجذورو
وبشكرك على الطرح الحلو جدآ

من طرف *** معتصم *** الثلاثاء أغسطس 18, 2009 8:02 pm

الكرام أميرة والفرح المهاجر
لكم كل شكرى والتقدير على المرور الطيب
وما عدمناكم ان شاء الله

زواج المغتربين من المغتربات !!!!

زواج المغتربين من المغتربات !!!!

رد: زواج المغتربين من المغتربات !!!!

رد: زواج المغتربين من المغتربات !!!!

رد: زواج المغتربين من المغتربات !!!!

رد: زواج المغتربين من المغتربات !!!!

رد: زواج المغتربين من المغتربات !!!!

رد: زواج المغتربين من المغتربات !!!!