عشان البساط يكون احمدى تعال يا معتصم

احبتى فى منتدانا الوليد كلنا اتينا من مناطق ومنتديات مختلفه جمعت بيننا الصدفه نحاول جاهدين ان نكون اسره واحده على قلب واحد ولكى يتسنى لنا ذلك لابد من التعارف بطريقتنا السودانيه الساهله وممتعه وهى البساطه وفى تقديرى ان كل منا يريد ان يعرف متى وكيف نشئت فكرة منتدى احلى زول ولا احد منا يعرف الاجابه الا الاخ المراقب العام ولذا اقترح عليه الجلوس فى الكرسى الساخن حتى نفرق ما بداخلنا من تساؤلات وفضول .. فهل تقدمته اخى فيصل وجلسته على الكرسى الساخن ؟؟ ..... اتمنى ان تقبل دعوتنا

من طرف *** معتصم *** الإثنين يوليو 27, 2009 5:19 am

عزيزى اسامة

لك كل ودى بالرغم من انك أوقعتنى فى شر أعمالى

كرسى عملتو عشان اسخن فيهو الناس وأنا أول من اتسخن فيهو

ويا عزيزى البساط أحمدى من أول يوم جعلتنا نتشرف بى حضورك وحضور جميع الاخوة الأعضاء

الى منتديات أحلى زول

ودعوتك مجابة

وبما انو باب تعارف

أنا معتصم سيدأحمد

خريج كلية تجارة وادارة أعمال

مقيم بالسعودية من فترة ليست بالطويلة لكنها مرت وتمر كأنها قرون

كنت أقيم فى الخرطوم جبرة

ومناسبة نشأة المنتدى هى وبعد حضورى السعودية أحسست أنى فقدت أكبر النعم التى كنت أنعم بها من قبل

وهى تلك الوجوه السودانية أهلى وأخوانى وأصحابى وكل من كان حولى

وأصبحت أبحث كل ما يجمعنى بهؤلاء الناس

سوادنيون من غير صيغة مبالغة لكن لا يوجد من يشبههم وليس لهم بديل الا السودانيين

فكان ثمرة ذلك انشاء هذا المنتدى الذى أتمنى أن يعمر ويرتقى على أيديكم

لك منى كل شكرى

وأنا حاضر لأى سخانة تجى منكم

طيب ليه الاسم احلى زول ولا بيعنى ليك شى معين
وهل تؤمن بالحب بالنت
الغربه حاره الجمله دى بتكفى لوصف الغربه

رايك شنو فى قرار محكمة ابييى

وحسب رايك هل السودان سيتجزاء بأنفصال الجنوب

ورايك بكل صراحه فى حكومات العسكر

بجيك تانى

من طرف *** معتصم *** الإثنين يوليو 27, 2009 5:45 am

يا غالى انت تشرفنى فى أى وقت
والله بالنسبة للاسم
زول دى علامة يتميز بها السودانيين دون سواهم ولما تجى معاها كلمة أحلى تكون ولا أحلى
والغربة حااااااااااااااااااارة ولو جريتا ليييي نمولى ما بتكفى لانها حارة جد جد
قرار المحكمة يقال انو انتقاص من سيادة السودان لكن انا شايف انو كان حل سليم وسريع وحقن دماء أكيد
والله الانفصال ده مشكلة كبيرة خلاص
لأنو ليهو مزايا وعيوب متداخلة لكن بس نقول الفيهو خير ربنا يعملو
وبالنسبة لى حكومات العسكر ينقصها الكثير بس تأكد انو أفضل منها ما فى

لك ودى واحترامى

من طرف **ود أزهري** الإثنين يوليو 27, 2009 6:18 am

أسامة...!!!...

شنو يا زول إنفتحت في الراجل قدر ده...!!!...

عليك الله فرز الكيمان...

وأمور عمك الماشي عكس عقارب الساعة داك خليها ليهو

براهو...

يا معتصم...أول هام...إنت جنسك شنو...؟

بعدين...ما هو محتواك من التعامل من المنتديات...؟

غايتو ده الفي الكيس هسة...لمن نجيب الشنطة...

تحياتي.....ود أزهري..

من طرف *** معتصم *** الإثنين يوليو 27, 2009 6:26 am

أخ ود أزهرى شكلو كيسك ده فيهو مصائب .. الله يسترنا منها

أول هام يا عزيزى أنا جنسي سودانى وأفتخر وشايقى وأعتز

والله محتواك دى لو معناها عاوز شنو

المنتديات فيها فوائد كثيرة جدا منها على سبيل المثال لا الحصر معلومات بالكوم

ومعارف وعلاقات بين الناس ممكن تتطور وتصل بعيد جدا

اما اذا كان معناها لقيت شنو

الحقيقة استفدت منها كثير جدا أقلها معرفتكم انتو تكفى

ده كيس ولسا فى شنطة كمان !!!!

لك كل شكرى ودمت بود

معتصم لسه الاشيتر ما وصلك وطبعا هو اسئلته زى ويل النيابه قايتوا الله يعينك عليه وهو تخصص اسئله لو شفته محامى يون احسن

من طرف *** معتصم *** الإثنين يوليو 27, 2009 6:36 am

ههههههههههه
الله يكون فى العون
لكن ما دام منكم حبابها
أنا لها ان شاء الله

من طرف **ود أزهري** الإثنين يوليو 27, 2009 6:40 am

$$ معتصم $$ كتب:
..........مصائب.. .. الله يسترنا منها

..........شايقى وأعتز...

والله محتواك دى لو معناها عاوز شنو...

..........

اما اذا كان معناها لقيت شنو...

..........معرفتكم انتو تكفى...

ده كيس ولسا فى شنطة كمان !!!!...

حبابك ألف يا غالي من هنا لي كريمي...

عاد يا أخوي كان ما بقيت عازمنا قعدة جبنة

يي(تمودتا وقنديلتا وبركاويها) تكون إتلومت...

بالمناسبة...

أنا من هنا ده شايف صندوق الرسايل بتاعك ده...

وكفى...,,,

تحياتي.....ود أزهري..

من طرف *** معتصم *** الإثنين يوليو 27, 2009 6:44 am

انت يا ود أزهرى كمان شكلك شايقى

لكن لو شايقى بختك والله

ما عاوزين عنصرية لكن

القلتو ده فى شوايقة ما بعرفو

من طرف **ود أزهري** الإثنين يوليو 27, 2009 6:56 am

تخيل كيف يكون الحال...لو ما كنت سوداني...

لو ما كنت شايقي...لو ما كنت جعلي...ولو ما مـحـسـي...

ولو ما ضنقلاوي...ولو...ولو...ولو

الشعب السوداني يا سيدي هو...سيد الشعوب...

وأطيب القلوب...وفي النهاية كمان...

أحــلــى زول...

تحياتي.....ود أزهري..

من طرف **ود السنتر** الإثنين يوليو 27, 2009 8:41 am

انشاء الله مرتاح فى الكرسى
احم احم حم يامعتصم اهم ثلاث حاجات حصلت فى حياتك شنو

من طرف *** معتصم *** الإثنين يوليو 27, 2009 1:09 pm

مرحب بيك ود السنتر
منور الككر بيك
أهم ثلاثة حاجات حصلت لى اثنين
انى سودانى

ما عدمناك
ده ما هروب لكن .......

من طرف **اميرة** الإثنين يوليو 27, 2009 3:37 pm

ااخ معتصم ارجو ان تعرف لنا معنى السعاده ليس تعريفاً اكاديميا انما من واقع حياتك الشخصية

ماذا تعنى لك هذه الكلمات

الوطن

الحياة

الحب

الخيانه

الاهل

الغربة

اتمنى ان لا اكون اثقلت عليك

من طرف *** معتصم *** الإثنين يوليو 27, 2009 7:57 pm

مرحب حبابك الف أخت أميرة
من غير اكاديميات السعادة هى أن أحس بدورى فى الحياة مكتمل أو أقرب الى ذلك
الوطن
ازداد حبى له بعد بعدى عنه وعلمت انه ملاذى الامن
الحياة
مسرحية لكل منا دور فيها علينا اتقانه بشكل جيد
الحب
هو حافظ البيوت وناشر السعادة فيها ومجمل حياة المحبين مع بعضهم
الخيانة
كل شيئ فى الدنيا يمكن أن يحتمل ويطاق الا الخيانة فليس لأحد منا طاقة لاحتمالها
الأهل
هم سند راسي لما أبكى وبياض سنى لما أضحك
الغربة
أحلى ما فيها بطعم الحنظل

شاكر ليك مداخلتك وما ثقلتى على أبدا
بس يا ريت أكون أوفيت فى ذلك

من طرف **ود السنتر** الإثنين يوليو 27, 2009 10:07 pm

سلام اخ معتصم
رايك شنو في الدراما السودانيه .
والفرق بين الدراماالسودانيه والمصريه
ولك جزير الشكر .
بدون تهرب
ولنا رجعه تاني
ولك كل احترامي

من طرف *** معتصم *** الثلاثاء يوليو 28, 2009 1:06 pm

مرحب حبابك ود السنتر

الدراما السودانية هى حتى الان تدور حول نفسها ونتمنى ان نراها تخرج من هذه الدوامة الى العالم العربى اقله

والفرق بين الدراما السودانية والمصرية

مصر تشجع كثيرا جميع الأعمال الثقافية لانها مصدر دخل لها ولذلك نجح المصريين فيها وأصبح العرب جميعا يحترفون فى مصر لانها تضمن لهم الانتشار

اما الدراما السودانية تحس أنها متكلفة جدا ولم تجد حتى الان طريق عبورها الى القلوب

ما عدمناك

من طرف **اميرة** الثلاثاء يوليو 28, 2009 2:41 pm

احييك اخ معتصم على راحبة صدرك وافيت وكفيت والله

تخريمة: ياود السنتر يااخوى المصرين ديل نجحو فى الدراما لانو حياتم زاته كلها تمثيل فى تمثيل

معتصم منور الككر ويا اسامه بادره طيبه منك جبتو لينا هنا

معليش انا انشغلت شويه بس اسه قلت ارحب وبجيكم راجعه

باقي كلامي كتير وأسئلتي اكتر

شنو يا معتصم عامل نايم ماتجى ترد على الاسئله دى ولا عايز الاسبوع ينتهى وتكب الزوقه

من طرف *** معتصم *** الجمعة يوليو 31, 2009 5:57 am

شكرا أميرة على التحية
ويا سمراء النيل انا فى نتظار قدومك وانتى اللى منورة
بس يا ريت ما تطولى
ويا اسامة ما عامل نايم
رديت على كل الاسئلة
باقى بعد ده الاسبوع انتهى ونبقى نشوف اينا واحد جديد
عشان يتسخن فى مكانى
وياريت نبدأ تصويت على كدة

والله انا بشوف انك اتخارجته كده كده لكن يازول نسبة لمشاغلك الكتيره بنعزرك وبرشح اخونا ود السنتر ونشكرك على رحابة صدرك واجابتك الرائعه ودمته بود

من طرف **سمراء النيل** السبت أغسطس 01, 2009 12:08 am

طيب ياجماعه اسفه علي التأخير

معتصم

كثرت الاراء والأقاويل أخيرا عن التغيرات التي اصابت الشارع السوداني وظهور بعض التقليعات الغريبه عن مجتمعنا وعاداتنا فما هو رأيك فيما يقال ؟؟

الشباب بين شبح العطاله ووهم البحث عن الوظائف؟؟

العنصريه السائده في مجتمعاتنا العربيه عموما
-لا اقصد القبليه-

ولكن بعض الفئات وجدت نفسها قد سقطت سهوا من بين

تعداداتنا كأطفال الشوارع والسجناء وسواهم

فما هو رأيك في هذه الفئات وكيف تتعامل معها
وما هو الشيئ الذي يمكنك تغييره ان كنت في موقع سلطه؟؟

ولك كل الاحترام

من طرف **سمراء النيل** السبت أغسطس 01, 2009 12:10 am

اسامه أأسف علي المداخله المتأخره

ومعاك في ترشيحك لي ود السنتر..

إحتراماتي

الاخت سمراء ان تأتى متأخرا خيرا من ان لا تأتى ووجودك هنا مكسب لنا جميعا يديك الف عافيه اختى الكريمه

عشان البساط يكون احمدى تعال يا معتصم

عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم

رد: عشان البساط يكون احمدى تعال يا معتصم